గోనెగండ్లలో బాలికల హాస్టల్పై కలెక్టర్ ఆకస్మిక తనిఖీ – భోజనం, పరిశుభ్రతపై ప్రత్యేక దృష్టి..
DNB News - ఆంధ్రప్రదేశ్ / : గోనెగండ్ల మండల కేంద్రంలోని ప్రభుత్వ బాలికల వెనుకబడిన సంక్షేమ శాఖ వసతి గృహాన్ని జిల్లా కలెక్టర్ డా. ఏ. సిరి ఆకస్మికంగా తనిఖీ చేశారు. ఈ సందర్భంగా హాస్టల్లోని వసతులు, నిర్వహణపై సమగ్రంగా పరిశీలించారు. హాస్టల్ వంటగదిని పరిశీలించిన కలెక్టర్, విద్యార్థులకు అందిస్తున్న ఆహారం నాణ్యతను తనిఖీ చేస్తూ కూరగాయల స్థితిని స్వయంగా పరిశీలించారు. భోజనం సరైన విధంగా, పోషకాహారంతో అందించాలని అధికారులకు సూచించారు. విద్యార్థులతో నేరుగా మాట్లాడిన కలెక్టర్, “భోజనం బాగుందా?”, “టాయిలెట్స్ పరిశుభ్రత ఎలా ఉంది?” అని ఆరా తీశారు. విద్యార్థులు ఎదుర్కొంటున్న సమస్యలను తెలుసుకుని, వెంటనే పరిష్కరించాలని సంబంధిత అధికారులకు ఆదేశాలు జారీ చేశారు. అదేవిధంగా, బాల్య వివాహాలపై విద్యార్థులకు అవగాహన కల్పిస్తూ, విద్యకు ప్రాధాన్యం ఇవ్వాలని, తమ భవిష్యత్తు కోసం చైతన్యంగా ఉండాలని సూచించారు. ఈ కార్యక్రమంలో సంబంధిత శాఖ అధికారులు, హాస్టల్ సిబ్బంది పాల్గొన్నారు.
Admin
DNB News
మరిన్ని వార్తలు
Developed By :
