పేద ప్రజలు ఆరోగ్యానికి కూటమి ప్రభుత్వం అధిక ప్రాధాన్యత ఇస్తుంది ఎమ్మెల్యే కూన రవికుమార్
DNB News - ఆంధ్రప్రదేశ్ / : ఆమదాలవలస నియోజకవర్గంలోని పొందూరు మండల కేంద్రంలో ఉన్న కమ్యూనిటీ హెల్త్ సెంటర్ (CHC) ను 55 లక్షలు APMSIDC నిధులుతో చేయబోయే ఆధునీకరణ పనులకు పూజా కార్యక్రమం ఘనంగా చేశారు .ఈ కార్యక్రమానికి ఆముదాలవలస గౌరవ శాసనసభ్యులు మరియు రాష్ట్ర పబ్లిక్ అండర్టేకింగ్స్ కమిటీ (PUC) చైర్మన్ కూన రవికుమార్ ముఖ్య అతిథిగా హాజరై శంకుస్థాపన చేశారు. ఈ సందర్భంగా ఎమ్మెల్యే కూన రవికుమార్ గారు మాట్లాడుతూ, పొందూరు ప్రాంత ప్రజలకు మెరుగైన వైద్య సేవలు అందించాలనే లక్ష్యంతో CHC ఆసుపత్రిని ఆధునీకరించేందుకు ప్రభుత్వం సిద్ధంగా ఉందని ఆధునిక వైద్య పరికరాలు, మెరుగైన వసతులు, సిబ్బంది సౌకర్యాలు ఏర్పాటు చేయడం ద్వారా రోగులకు సమగ్ర వైద్య సేవలు అందేలా చర్యలు తీసుకుంటున్నామని తెలిపారు. గ్రామీణ ప్రాంతాల్లో ఆరోగ్య సదుపాయాలు బలోపేతం చేయడం ద్వారా ప్రజలు పెద్ద పట్టణాలకు వెళ్లాల్సిన అవసరం తగ్గుతుందని, స్థానికంగానే నాణ్యమైన వైద్యం అందేలా చర్యలు కొనసాగుతాయని ఆయన స్పష్టం చేశారు. ఈ కార్యక్రమంలో కూటమి ముఖ్య నాయకులు,స్థానిక ప్రజాప్రతినిధులు, వైద్యాధికారులు, పార్టీ కార్యకర్తలు మరియు స్థానిక ప్రజలు పాల్గొన్నారు.
Admin
DNB News
మరిన్ని వార్తలు
Developed By :
