పోచమ్మ చెరువులో పూడికతీత పనులకు భూమి పూజ – స్వర్ణాంధ్ర స్వచ్ఛాంధ్రపై కలెక్టర్ డా.ఏ.సిరి అవగాహన
DNB News - ఆంధ్రప్రదేశ్ / : రాష్ట్ర ప్రభుత్వం ప్రతిష్టాత్మకంగా చేపట్టిన "స్వర్ణాంధ్ర – స్వచ్ఛాంధ్ర" కార్యక్రమంలో భాగంగా కోడుమూరు మండలం ఆమడగుంట్ల గ్రామంలో "జలధార - జలహారతి" థీమ్తో అభివృద్ధి కార్యక్రమాలు వేగంగా కొనసాగుతున్నాయి. ఈ నేపథ్యంలో వీబీ జీ రామ్ జీ పథకం కింద పోచమ్మ చెరువులో పూడికతీత పనులకు జిల్లా కలెక్టర్ డా.ఏ.సిరి భూమి పూజ నిర్వహించారు. ఈ పనులు గ్రామీణ జల వనరుల అభివృద్ధికి దోహదం చేస్తాయని ఆమె పేర్కొన్నారు. అనంతరం అక్కడే ఏర్పాటు చేసిన సభలో పాల్గొన్న కలెక్టర్, ఉపాధి హామీ కూలీలతో కలిసి "స్వర్ణాంధ్ర – స్వచ్ఛాంధ్ర" ప్రతిజ్ఞ చేయించి, పరిశుభ్రత, నీటి సంరక్షణ, గ్రామ అభివృద్ధి పట్ల అవగాహన కల్పించారు. ఈ సందర్భంగా ఆమె మాట్లాడుతూ, ప్రజల భాగస్వామ్యంతోనే స్వచ్ఛమైన, అభివృద్ధి చెందిన ఆంధ్రప్రదేశ్ సాధ్యమవుతుందని తెలిపారు. ప్రతి గ్రామం పరిశుభ్రతలో ఆదర్శంగా నిలవాలని పిలుపునిచ్చారు. కార్యక్రమంలో స్థానిక ప్రజాప్రతినిధులు, అధికారులు, గ్రామస్తులు, ఉపాధి కూలీలు పాల్గొన్నారు
Admin
DNB News
మరిన్ని వార్తలు
Developed By :
