ఆన్లైన్లో మందుల అమ్మకాలను నిలిపివేయాలి/ వేములవాడ మెడికల్ షాప్ యజమానుల డిమాండ్
DNB News - ఆంధ్రప్రదేశ్ / : ఆన్లైన్ లో మందుల విక్రయాలు బందు చేయాలని కోరుతూ దేశవ్యాప్తంగా పిలుపునిచ్చిన మెడికల్ షాపుల బంద్కు మద్దతుగా వేములవాడ పట్టణంలోని మెడికల్ షాపులు బుధవారం స్వచ్ఛందంగా మూసివేశారు. దీంతో పలు ప్రాంతాల్లో మెడికల్ దుకాణాలు బంద్ కావడంతో వినియోగదారులు ఇబ్బందులు ఎదుర్కొన్నారు .ఈ సందర్భంగా మెడికల్ షాప్ యజమానుల సంఘం అధ్యక్షులు శ్రీనివాస్ మాట్లాడుతూ, అక్రమ ఈ-ఫార్మసీలు మరియు భారీ డిస్కౌంట్ విధానాల కారణంగా చిన్న మెడికల్ షాపులు తీవ్రంగా నష్టపోతున్నాయని ఆవేదన వ్యక్తం చేశారు. ప్రజారోగ్య పరిరక్షణతో పాటు కెమిస్టుల జీవనోపాధిని కాపాడేందుకు ఈ బంద్ నిర్వహిస్తున్నట్లు తెలిపారు.ప్రభుత్వం వెంటనే ఈ-ఫార్మసీలకు అనుకూలంగా తీసుకొచ్చిన నోటిఫికేషన్లను రద్దు చేసి, చిన్న వ్యాపారులకు రక్షణ కల్పించాలని డిమాండ్ చేశారు. మెడికల్ రంగంలో సమాన అవకాశాలు కల్పించకపోతే భవిష్యత్తులో ఉద్యమాలను మరింత ఉధృతం చేస్తామని హెచ్చరించారు.
Admin
DNB News
మరిన్ని వార్తలు
Developed By :
