ఘనంగా మహిళల దినోత్సవం ఫోకస్ హ్యూమన్ రైట్స్ కౌన్సిల్ తెలంగాణ రాష్ట్ర అధ్యక్షురాలు హల్నూరి గాయత్రి
DNB News - తెలంగాణ / : మహిళా దినోత్సవాన్ని పురస్కరించుకుని హైదరాబాద్లోని దూద్కనా ఆసుపత్రి మరియు అర్బన్ ప్రైమరీ హెల్త్ సెంటర్ మహిళల పార్దివాడలో ఘనంగా వేడుకలు నిర్వహించారు. ఫోకస్ హ్యూమన్ రైట్స్ కౌన్సిల్ తెలంగాణ రాష్ట్ర అధ్యక్షురాలు హల్నూరి గాయత్రి ఆధ్వర్యంలో ఈ కార్యక్రమాలు జరిగాయి. మహిళల సేవలు, సమాజ అభివృద్ధిలో వారి పాత్రను గుర్తుచేసుకుంటూ అక్కడ పనిచేస్తున్న మహిళా సిబ్బందికి మరియు స్థానిక మహిళలకు బహుమతులు పంపిణీ చేశారు. ఈ సందర్భంగా మహిళల ఆరోగ్యం, హక్కులు, సమానత్వం మరియు సాధికారతపై అవగాహన కల్పిస్తూ ప్రత్యేక కార్యక్రమాలు నిర్వహించారు. మహిళలు కుటుంబానికి మాత్రమే కాకుండా సమాజ నిర్మాణంలో కీలక పాత్ర పోషిస్తున్నారని, వారి గౌరవం మరియు భద్రత కోసం ప్రతి ఒక్కరూ కృషి చేయాలని నిర్వాహకులు పేర్కొన్నారు. అట్టాపూర్ జీహెచ్ఎంసీ పరిధిలో జరిగిన ఈ కార్యక్రమంలో ఫోకస్ హ్యూమన్ రైట్స్ కౌన్సిల్ తెలంగాణ రాష్ట్ర అధ్యక్షురాలు హల్నూరి గాయత్రి ముఖ్య అతిథిగా పాల్గొని మహిళలకు శుభాకాంక్షలు తెలియజేశారు. ఈ కార్యక్రమంలో సీనియర్ పబ్లిక్ హెల్త్ ఆఫీసర్ డాక్టర్ శశికళ (ఎస్పిహెచ్ఓ) పాల్గొని మహిళల ఆరోగ్య పరిరక్షణపై సూచనలు అందించారు. ఈ కార్యక్రమంలో ఎఫ్.హెచ్.ఆర్.సి సభ్యులు మీనా, రాధా, రేఖా, సరికా, సోనా నాయి, అనూ, తెలంగాణ రాష్ట్ర జనరల్ సెక్రటరీ ఎస్. శ్రవణ్ సూర్యవంశీ తదితరులు పాల్గొన్నారు. మహిళల కోసం ఇలాంటి కార్యక్రమాలు మరింతగా నిర్వహిస్తూ వారి అభ్యున్నతికి కృషి చేస్తామని నిర్వాహకులు తెలిపారు. మహిళా దినోత్సవ వేడుకలు ఉత్సాహభరితంగా సాగి, మహిళలందరికీ స్ఫూర్తినిచ్చేలా నిలిచాయి
Admin
DNB News
మరిన్ని వార్తలు
Developed By :
