'మే డే' కార్మికుల దినోత్సవ శుభాకాంక్షలు...!!
DNB News - తెలంగాణ / : ఒకనాడు కార్మిక వర్గాన్ని మొత్తం ఒక్క తాటిపై నడిపి కార్మిక శక్తిని కదం తొక్కించిన ఆనాటి కార్మిక నాయకులు ఏరి..? ఒకనాటి ఉద్యమ స్పూర్తి ఏది..?.. ఒకప్పుడు మే డే అంటే ఆ కళే వేరు.. ముఖ్యంగా పెద్ద పట్టణాలలో నగరాలలో ఎక్కడ చూసినా ఈరోజు హడవిడి అంతా పెద్ద పండగలా ఉండేది.. రిక్షా యునియన్ల దగ్గర నుండి రైస్ మిల్లు కార్మికుడి దాక.. పెద్ద పెద్ద కంపెనీల్లో ప్రభుత్వ రంగ సంస్ధల్లో కార్మిక సంఘాల గురించి.. ట్రేడ్ యునియన్ల గురించి చెప్పే పని లేదు.. మంచి పోరాట స్పూర్తి కార్మిక హక్కులపై పూర్తి అవగాహన ఉన్న గొప్పగొప్ప నాయకుల నేతృత్వంలో కార్మికుల హక్కులు ప్రయోజనాలే ద్యేయంగా యాజమాన్యాలకు అనుసంధానంగా జన బాహుళ్యంలో చాలా క్రియాశీలకంగా ఉండేవి.. వ్యవస్థీకృత అవ్యవస్తీకృత రంగాల్లో పని చేసే కార్మికులకు తమ హక్కుల పట్ల ఐక్యత పైన అంతో ఇంతో చైతన్యం వచ్చిందంటే అది ఖచ్చితంగ నటి క్రియాశీలక కార్మిక సంఘాలు ఉద్యమాల పుణ్యమే.. కానీ దురదృష్టవశాత్తూ ఈ ప్రైవేటైజేషన్, గ్లోబలైజేషన్ పుణ్యమా అని.. కార్మిక సంఘాలు క్రమేపీ తమ ఉనికిని పోగుట్టుకుంటూ వచ్చాయి.. దానికి మతతత్వ శక్తులు మన రాజకీయాలని మన సమాజాన్ని కబ్జా చేసి మన సగటు మనిషి ఆలోచన దోరణిని తమ స్వార్ధ రాజకీయ ప్రయోజనాల కోసం విజయవంతంగా తమవైపు తిప్పుకునేలా చేయడం కూడా ఒక కారణం అయితే.. ఈ సర్వీస్ సెక్టారు సాఫ్ట్వేర్ ఫార్మా మ్యానిఫ్యాక్చరింగ్ రంగాల్లో యాజమాన్యాలు సంస్థలు ఉద్యోగులకు కొంత అనుకూలంగా తమ విధానాలు రూపొందించుకోవడం.. మలిదశ కార్మిక యునియన్లు సంఘటనలు సంఘటితంగా లేకుండా పోవడం ఒక కారణం! అప్పటికి ఇప్పటికీ మార్పు ఏదైనా ఉందంటే ఈరోజు యాజమాన్యానికి తమ ఉత్పత్తికి కార్మికుడితో అవసరం పడింది.. పనికి డిమాండ్ పెరిగి కార్మికుడికి మార్కెట్ లో కొంత ప్రాధన్యత పెరిగింది (అది కేవలం మార్కెట్ డిమాండ్ వల్లనే).. అనేక సంవత్సరాల పోరాటాలు చట్టాల వల్ల కనీస గౌరవ వేతనం అనేది కొంతలో కొంత దక్కగలుగుతుంది.. మరి కార్మిక రంగంలో దోపిడి మోసం పూర్తిగా అంతం అయిందా అంటే..? అది ఈ మానవ జాతి ఉన్నంత వరకు ఆ దోపిడి పోయేది కాదు.. కాకపోతే ఇప్పుడు ఒక్క యాజమాన్యాల రూపంలోనే కాకుండా అంతర్గతంగా ముఠా మేస్త్రీలు లేబర్ కాంట్రాక్టర్ల రూపంలో ఇలా ఏదొక రకంగా దోపిడీ మాత్రం నిరాఘంటంగా కొనసాగుతూనే ఉంది.. అయితే అప్పటికి ఇప్పటికి కొంత పరిస్తితులు మెరుగైన మాట వాస్తవం.. దానికి కొన్ని తరాల పోరాటాల సమయం పట్టింది.. ఇక మిగతా అందరిలాగా సమాన హోదా.. ఉద్యోగ భద్రత మెరుగైన జీవన ప్రమాణాలతో పాటు కార్మికుల దీర్ఘకాలిక ప్రయోజనాల కోసం జరగాల్సిన సంస్కరణలు.. కార్మికలోకం సాధించాల్సిన హక్కులు చాలా ఉన్నాయి.. ఇక మార్పు సహజం మార్పు అనివార్యం.. ఇది కేవలం చదువు ప్రజల్లో నిరంతర చైతన్యం ద్వారా మాత్రమే సాధ్యం.. ఏదేఏమైనా ప్రపంచ కార్మికులందరికి స్పూర్తినిచ్చేదిగా.. వారి కార్మిక శక్తిని వారి ఉనికిని సమాజానికి గుర్తు చేసే రోజుగా మేడే ఎప్పటికీ ప్రత్తేకమే.. నా దృష్టిలో ఈ మే-డే నే అందరూ జరుపుకోవాల్సిన నిజమైన అతి పెద్ద పండుగ.. 'మే డే' ప్రపంచ కార్మికుల దినోత్సవ శుభాకాంక్షలు...!!????
Admin
DNB News
మరిన్ని వార్తలు
Developed By :
