శాతవాహనలో ఆంగ్లభాషా దినోత్సవం
DNB News - తెలంగాణ / : శాతవాహన విశ్వవిద్యాలయంలోని ఆంగ్ల విభాగంలో ప్రఖ్యాత రచయిత షేక్స్పియర్ జన్మదినోత్సవాన్ని పురస్కరించుకొని ఆంగ్లభాష దినోత్సవాన్ని ఘనంగా నిర్వహించారు. ఈ సమావేశానికి సభాధ్యక్షత వహించిన విభాగాధిపతి డాక్టర్ విజయప్రకాశ్ మాట్లాడుతూ ఆంగ్ల విభాగం తరఫున భాషా దినోత్సవం జరుపుకోవడం చాలా ఆవశ్యకరమని విలియం షేక్స్పియర్ 16వ శతాబ్దం నుండి ఇప్పటివరకు తన సాహిత్యంతో ప్రభావితం చేశారని, ఆంగ్ల భాషలో దాదాపు 2,000 కొత్త పదాలను కనుగొన్నారని అయన రచనలు సమాజంలో మానవత్వాన్ని ప్రేమను మానవులలోని అన్ని రకాల గుణగణాలను తెలియజేశారని ఆయన ఉపయోగించిన భాషను, ప్రత్యేకమైన పదాలుగా విరివిగా ఉపయోగిస్తున్నారని తెలియజేశారు. ముఖ్యఅతిథిగా విచ్చేసిన విశ్వవిద్యాలయ రిజిస్టార్ ఆచార్య సతీష్ కుమార్ మాట్లాడుతూ ఆంగ్ల భాష నేడు ప్రపంచంలోనే ఒక ప్రముఖమైన భాషగా అవతరించిందని దాదాపు రెండు బిలియన్ల మంది ఇంగ్లీష్ భాషను మాట్లాడుతున్నారని షేక్స్పియర్ జన్మదినాన్ని పురస్కరించుకొని ఆంగ్ల భాషా దినోత్సవం గా జరుపుకోవడం గొప్ప విషయమని షేక్స్పియర్ రచనలు పరీక్షల కోసమే కాకుండా సమాజంలో మానవ ప్రవర్తనలో మార్పులు తీసుకురావడానికి వినియోగించుకోవాలని నేటితరంలో ఆంగ్ల భాషకు విశిష్టమైన స్థానం ఉన్నదని అన్ని రంగాలలో కూడా ఆంగ్ల భాషను విరివిగా ఉపయోగిస్తున్నారని, ఆంగ్ల భాషలో ప్రావీణ్యం సంపాదించినట్టయితే సగం ప్రపంచాన్ని గెలిచినట్టేనని విద్యార్థులు ఆంగ్ల భాష పై పట్టు సాధించి ప్రపంచాన్ని గెలవడానికి ముందుకు వెళ్లాలని సూచించారు. గౌరవ అతిథిగా విచ్చేసిన కళాశాల ప్రిన్సిపల్ డాక్టర్ కె పద్మావతి మాట్లాడుతూ షేక్స్పియర్ జన్మదినాన్ని కేవలం జరుపుకోవడమే కాకుండా ఆయన నేర్పిన మానవతా విలువలు భాషా సూత్రాలను నేటి సమాజానికి అనుగుణంగా మార్పులు చేసుకొని ముందుకు సాగాలని, ఆంగ్ల భాషను విరివిగా ఉపయోగించడం ద్వారా అన్ని రకాల ఇబ్బందులను అధిగమించుకోవచ్చు అని నేటి సాంకేతిక యుగములో ఆంగ్లభాషకు ఎంతో ప్రాముఖ్యం ఉన్నదని తెలియజేశారు. పూర్వ ఆంగ్ల భాష విభాగాధిపతి డా. ప్రదీప్ మాట్లాడుతూ షేక్స్పియర్ రచించిన నాటకాలు నిజంగా జీవితాలను పరివర్తన చేయడానికి ఉపయోగపడతాయని ఆయన రాసిన రచనలు సమాజంలో నేటికీ కీలకంగా మారాయని విద్యార్థులు షేక్స్పియర్ ని మర్చిపోకూడదని తెలియజేశారు. ఈ భాషా దినోత్సవం లో భాగంగా విద్యార్థులకు షేక్స్పియర్ సాహిత్యం పై వివిధ రకాల కాంపిటీషన్స్ నిర్వహించి బహుమతులు అందజేశారు ఈ కార్యక్రమంలో ఆంగ్ల విభాగ అధ్యాపకులు డాక్టర్ జోస్లీన, హరికృష్ణ ఆంగ్ల విభాగ ప్రధమ ద్వితీయ సంవత్సర విద్యార్థిని విద్యార్థులు పాల్గొని ఆంగ్లభాషా దినోత్సవాన్ని విజయవంతం చేశారు.
Admin
DNB News
మరిన్ని వార్తలు
Developed By :
