కొత్తగూడెం అరైవ్ అలైవ్ - రోడ్ సేఫ్టీ కార్యక్రమం
DNB News - తెలంగాణ / : భద్రాద్రి కొత్తగూడెం జిల్లా - కొత్తగూడెం అరైవ్ అలైవ్ - రోడ్ సేఫ్టీ కార్యక్రమం వేదిక: పోస్ట్ ఆఫీస్ సెంటర్, కొత్తగూడెం నిర్వాహకులు: రవాణా శాఖ & పోలీస్ శాఖ ముఖ్య అతిథులు: డి.ఎస్.పి ఆదినారాయణ, ఎంవీఐ మనోహర్ భద్రాద్రి కొత్తగూడెం జిల్లా పోలీస్ శాఖ మరియు రవాణా శాఖ సంయుక్త ఆధ్వర్యంలో నిర్వహిస్తున్న ప్రతిష్టాత్మకమైన "అరైవ్ అలైవ్" రోడ్డు భద్రతా అవగాహన కార్యక్రమానికి మీ అందరికీ స్వాగతం. "అరైవ్ అలైవ్" అంటే 'క్షేమంగా ఇంటికి చేరడం'. రోడ్డు ప్రమాదాల వల్ల జరిగే ప్రాణనష్టాన్ని తగ్గించి, ప్రతి ప్రయాణికుడు సురక్షితంగా గమ్యానికి చేరాలనే గొప్ప లక్ష్యంతో ఈ కార్యక్రమాన్ని రూపొందించారు. డీఎస్పీ ఆదినారాయణ మాట్లాడుతూ "రోడ్డు భద్రత, సురక్షితమైన ప్రయాణం ప్రతి ఒక్కరూ తమ బాధ్యతగా భావించినప్పుడే రోడ్డు ప్రమాదాలను సమర్థవంతంగా నియంత్రించగలం". మానవ తప్పిదాల వల్లే ఎక్కువగా రోడ్డు ప్రమాదాలు జరుగుతున్నాయి. అతివేగం, మద్యం సేవించి వాహనాలు నడపడం, రాంగ్ సైడ్ డ్రైవింగ్, మొబైల్ ఫోన్ వాడకం వంటి కారణాలు అనేక కుటుంబాలను విషాదంలోకి నెట్టుతున్నాయి. కాబట్టి ద్విచక్ర వాహనదారులు వెనుక కూర్చునే వారితో సహా హెల్మెట్ తప్పనిసరిగా ధరించాలి. కారు నడిపే వారు సీట్ బెల్ట్ తప్పనిసరిగా పెట్టుకోవాలి. మద్యం సేవించి డ్రైవింగ్ చేయకూడదు. "మీరు నియమం పాటించి ఇతరులకు ఆదర్శంగా నిలిచారు. మీ కుటుంబం కోసం, సమాజం కోసం మీరు తీసుకున్న ఈ జాగ్రత్తకు ధన్యవాదాలు. అరైవ్ అలైవ్ - క్షేమంగా ఇంటికి చేరండి." గులాబీ పువ్వు ప్రేమకు, జీవితానికి చిహ్నం. మీరు హెల్మెట్, సీట్ బెల్ట్ పెట్టుకోవడం ద్వారా మీ జీవితాన్ని, మీ కుటుంబాన్ని ప్రేమిస్తున్నారని అర్థం. "యువత ముఖ్యంగా ట్రాఫిక్ నియమాలను గౌరవిస్తూ, ఇతరులకు ఆదర్శంగా నిలవాలి". ఈ 'అరైవ్ అలైవ్' ఒక కార్యక్రమం కాదు, ఒక ఉద్యమంగా మారాలి. రోడ్డు భద్రత అనేది పోలీసుల ఒక్కరి బాధ్యత కాదు, సమాజం మొత్తం ముందుకు వస్తేనే ప్రమాదాలను తగ్గించగలం. ప్రాణం విలువైనది. ఒక క్షణం నిర్లక్ష్యం జీవితాంతం శోకం మిగులుస్తుంది. కాబట్టి హెల్మెట్ ధరించండి, సీట్ బెల్ట్ పెట్టుకోండి, అతివేగం వద్దు, మద్యం సేవించి డ్రైవ్ చేయవద్దు. ఈ కార్యక్రమానికి డి.ఎస్.పి, ఆర్టీవో, వన్ టౌన్ సిఐ, ట్రాఫిక్ ఎస్ఐ తో పాటు సిబ్బంది పాల్గొన్నారు..
Admin
DNB News
మరిన్ని వార్తలు
Developed By :
