తెలంగాణ వడ్డెర సంఘం అండ్ చారిటబుల్ ట్రస్ట్ ఆధ్వర్యంలో మునగాల మండలం నాయకులు గోగుల లక్ష్మణ్ వడ్డెర చైతన్య యాత్ర
DNB News - తెలంగాణ / : మన సంఖ్య నుంచి మన శక్తి వరకు ఒక సామూహిక మేల్కొలుపు చరిత్రలో కొన్ని కులలు దేశ నిర్మాణంలో తమ కష్టాన్ని,తమ శ్రమను,తమ జీవితాన్ని అర్పిస్తాయి.కానీ అదే చరిత్రలో వారికి సరైన గుర్తింపు మాత్రం దక్కదు.మన వడ్డెర కుల సమాజం అటువంటి విరుద్ధతను మోస్తున్న ఏకైక కులం మనం. గడ్డపార పట్టి భూమిని తవ్వుతూ రాళ్లను పగలగొట్టి అనేక భవనాలను రోడ్లను నిర్మించిన చేతులు,భూమిని మలిచి జీవనానికి పునాది వేసిన శ్రమ, కానీ తమ స్వంత గమ్యం,తమ స్వంత గుర్తింపు మాత్రం ఇంకా స్పష్టంగా నిలబడలేదు.. ఈ పరిస్థితి ఒక్కరోజులో రాలేదు, ఇది కాలక్రమేణా ఏర్పడిన ఒక సామాజిక వాస్తవం.విభజన, అవగాహన లోపం,సమూహంగా ముందుకు రాని స్థితి,ఇవన్నీ కలిసి మనల్ని చిన్నచిన్న భాగాలుగా విడగొట్టాయి. ఇదే సందర్భంలో..వడ్డెర చైతన్య యాత్ర” ఒక సాధారణ కార్యక్రమంగా చూడలేం. ఇది ఒక యాత్ర కాదు,ఒక ఆత్మపరిశీలన. ఇది ఒక కార్యక్రమం కాదు,ఒక సామాజిక ప్రక్రియ.ఇది ఒక ప్రయాణం కాదు,ఒక వడ్డెర కుల మేల్కొలుపు మనం ఎక్కడ ఉన్నాం? ఎంతమంది ఉన్నాం? మన స్థితి ఏమిటి? అన్న విషయాలను తెలుసుకోవడం మాత్రమే కాదు, మనం ఎవరం అనే ప్రశ్నకు సమాధానం వెతికే ప్రయత్నం. ఒక్క గ్రామంలో ఎంతమంది ఉన్నాం ఒక మండలంలో ఎంతమంది ఉన్నాం ఒక నియోజకవర్గంలో ఎంతమంది ఉన్నాం ఒక జిల్లాలో ఎంతమంది ఉన్నాం 33 జిల్లాల్లో మొత్తం ఎంత మందిమి ఉన్నాం అనే ప్రశ్నలు కేవలం గణాంకాల కోసం కాదు.ఇవి మన ఉనికిని గుర్తించే అడుగులు.ఇవి మన బలాన్ని కొలిచే ప్రమాణాలు. ఇవి మన భవిష్యత్తును నిర్మించే పునాది.సంఖ్యలు అనేవి కేవలం లెక్కలు కాదు. అవి మన కుల సమాజం యొక్క అస్తిత్వ ప్రకటన చివరగా,వడ్డెర చైతన్య యాత్ర ఒక ముగింపు కాదు.ఇది వడ్డెర జాతి గౌరవం కోసం ప్రారంభమైన ప్రయాణం సదా మీ సేవలో మునగాల మండలం నాయకులు గోగుల లక్ష్మణ్
Admin
DNB News
మరిన్ని వార్తలు
Developed By :
